Descrición

Memoria

Construír a paisaxe non só consiste no tratamento do espazo público senón que, polo contrario, é o conxunto do edificado, do privado, o que outorga a imaxe no ámbito rural ao territorio. A contorna inmediata foi tan transformada que estamos acostumados a atoparnos case de todo nos nosos núcelos rurais, de modo que construír unha peza nova nunha contorna deste tipo foi todo un reto.

Á hora de enfrontarse ao reto de realizar unha vivenda unifamiliar, sempre se atopan coa dicotomía entre un posicionamento integrado no terreo e a pasaixe, ou a búsqueda do protagonismo do conxunto. Neste caso, quixeron fixar a atención neste tipo de construcións sensibles coa contorna, onde non se pretende realzarse sobre el mesmo, senón que se propón ubicar unha peza máis nun puzle que comeza a estar máis que cheo e que apenas permite encaixar novas pezas. De tal forma, a sensibilidade do proxectista para realizar unha lectura comprensiva do territorio fixo que a edificación se integra no territorio.

A vivenda aséntase sobre a natureza cunha tranquilidade suave e sinxela; unha volumetría adaptada á propia pendente permite a xeración dunha cuberta inclinada que se converte nun dos protagonistas externos do conxunto, de modo que a lectura do volume permite configurar mentalmente o funcionamento interno da vivenda, á vez que resolve a integración volumétrica.

A integración material realízase mediante a utilización de madeira en fachada e cuberta metálica, dotando dunha imaxe actual á vivenda, á vez que se integra no lugar e entre as edificacións da contorna. Non se trata de ser protagonista da escena, senón que a intención é xerar paisaxe, contorna, territorio.

A volumetría resólvese mediante un xogo de cubertas que, nos seus quiebros, ademais de integrar a vivenda na paisaxe, acolle un espazo de xogos e saída a un balcón superior e forza, ademais, a consecución dunha pendente axeitada para a futura instalación de paneis solares fotovoltaicos.

Interiormente, a escaleira de comunicación entre os tres niveis serve de separación entre as zonas de noite e de día. 

Retos Construtivos da Obra

Unha vivenda unifamiliar ubicada nunha contorna rural cunha envolvente que prolonga a fachada norte da cuberta, xerando un xogo de cubertas inclinadas que integran a vivenda na paisaxe.

A integración na contorna conséguese tamén coa utilización da madeira de pino tratada en autoclave para a fachada e a cubierta metálica.

O programa resólvese nunha única planta que apoiada sobre un desnivel do terreo que configura o acceso ao garaxe e un xardín que permite a entrada do sol durante todo o día.

Descrición

Memoria

Volver a construír unha pequena vivenda de pouco máis de 3 metros de ancho e 16 de fondo no extremo dunha mazá. A casa anterior: bar e vivenda con medianeira cega, ben orientada, situada no centro histórico desta vila da Costa da Morte. 

Resolver con claridade a escena urbana, aportando unha visión renovada do modo de construír, sen esquecer a propia identidade, mediante referencias á historia e cultura do lugar.

Edificar en madeira, lembrando a construción marineira, empregando a táboa pintada de branco, cor insistente en galerías e entrepanos das casas da vila. Facer pétrea parte da planta baixa, en cotinuidade coas fachadas da rúa tradicional. Recoller o espírito da arquitectura popular sen renunciar a unha expresión propia.

Ter aproximadamente 120 m2 útiles repartidos entre b+2+bc. A planta baixa como entrada e garaxe para dous coches. A primeira, zona de día: estar e cociña. A segunda, habitación con estudo e baño. O baixo cuberta, habitación con baño.

Facer unha formulación sinxela baseada na dimensión lonxitudinal dun espazo diáfano e na centralidade dos accesos. A escaleira, arrimada á medianería, deixa estancias a cada lado, mentres a fachada, na súa parte central, faille sitio como saliente en plantas altas ou as aproxima como entrada a cuberto no acceso principal. As alturas dobres e as estreitas xanelas-balcón, relacionan as plantas entre si e o espazo exterior, sen chegar a mostralo todo.

Reinventar, coa súa apariencia urbana, un nuevo espazo vivo, ata agora en ruína e sen resolver.

Retos construtivos da obra

"Na solución da fachada da Casa Chao é clave a participación e implicación dos carpinteiros", sinalan os arquitectos.

Unha fachada tan exposta como esta ao sol, pero tamén á auga e ao vento, requiriu dun estudo previo do tipo de madeira, espesor e resolución da xunta. O taboleiro de iroco, cepillado a 3,5 cm de grosor e a "galleta" intermedia que une un co outro, permitindo o seu movemento, forman unha pel exterior solidaria e resistente. 

O rastrelado, tamén de iroco, clavado sobre o muro de ladrillo macizo, con rebaixes e a cara interior ranurada do taboleiro, permiten a circulación do aire e a súa ventilación de arriba a abaixo. 

As fiestras de cedro, desprazadas unhas de outras, obrigan ademais ao axuste dimensional do despezamento vertical, resolto mediante a utilización de tres anchos diferentes de taboleiro, estudados un a un para o seu encaixe total evitando recortes.

A folla das fiestras, situadas no interior dunha peza-caixón que atravesa todo o espesor da fachada, introduce a madeira no interior, onde volven a traballar os carpinteiros facendo portas, armarios, estanterías e escaleiras dun interior moi estreito que contrasta co formigón visto.

No centro da cociña, xunto ao panel luminoso recuperado do antigo bar que había na planta baixa, unha larguísima e estreita mesa feita en pino melis. "Unha casa cuxo vestíbulo, cada vez que volvemos, recíbenos con ese agradable cheiro dunha envoltura de cedro", afirman Creus e Carrasco.

Descrición

Memoria

Os arquitectos atópanse unha construción soterrada na súa parte posterior, de dúas plantas, con fachadas á rúa e unha longa parcela pendente cara a parte posterior. A normativa permitía ampliar o fondo edificable ao dobre e construír un anexo na parcela.

Os arquitectos decidiron empregar esta ampliación para introducir luz cara a parte posterior da vivenda. Coa construción do anexo na planta baixa créase un patio ao que se volve á planta baixa e a través do cal, entra luz e aire na planta na que era máis difícil conseguilo.

A planta alta e a planta baixo cuberta constrúense sobre o volume orixinal, deixando un espazo vacío no punto a partir do cal, a casa amplíase. Desta forma, é posible ler ata onde chegaba a casa orixinal e que é ampliación. Algo que os autores consideran moi interesante en calquera intervención sobre cascos históricos para non perder a lectura histórica dos inmobles.

A través da grieta no punto no que termina a vivenda orixinal, articúlase unha escaleira que une as tres plantas e un patio a través do cal, ventilan estancias e conseguen unha vista cruzada de toda a lonxitude da parcela, o que dá unha sensación de maior amplitude.

Na parcela créanse terrazas ata a súa parte alta, formando así plataformas de uso e cultivo nunha parcela cunha forte pendente.

Por usos, a vivenda distribúese da seguinte forma: salón, comedor, cociña, baño e espazos auxiliares en planta baixa, tres dormitorios e un baño en planta primeira e un espazo polivalente con outro baño en planta baixo cuberta.

Conserváronse os muros de pedra e o resto, construíuse con madeira de castaño maciza. As vigas, solos, carpintaría (castaño laminado) e, incluso, mobiliario. Todo tratado con proteccións transpirables e detalles construtivos que garanten un correcto intercambio de humidade co ambiente. No caso do patio, empregouse en fachada de madeira termotratada de pino trasventilada.