Centro de día de maiores de Leiro

Ficha técnica

Autores:

Müller.Feijoo Arquitectos

Estefanía Vázquez Müller e Roi Feijóo Rey

Arquitecto técnico:

José Jaime Vázquez Iglesias

Cálculo estructura de madeira:

Xoán Carlos Malvárez

Promotor:

Concello de Leiro

Construtora:

Coviastec

Situación:

Leiro, Ourense

Ano:

2013-2016

Superficie:

695 m2

Fotografía:

Müller.Feijoo Arquitectos

Descrición

Memoria:

A parcela na que se constrúe o centro de día, moi próxima e lixeiramente elevada sobre o curso do río Avia, ten un forte desnivel natural transformado mediante un sistema de terrazas escalonadas chamadas socalcos formados por muretes de mampostos de granito, un sistema tradicional moi habitual nesta rexión de viñas que permite dispoñer de terreo cultivable en parcelas nas que a pendente impide a súa explotación.

Estas terrazas tradicionais ascentes cara o Norte e as vistas sobre o río Sur, suxiren encaixar o edificio como unha terraza máis para posteriormente reconstruír os socalcos existentes con pedras propias atopadas na parcela e outras procedentes de construcións en ruínas da contorna.

O acceso ao centro de día realízase a través dunha ampla plataforma exterior axardinada, accesible desde a beirarrúa peatonal e desde o aparcamento de vehículos adaptados. É neste xardín onde se poderán desenvolver as actividades ao aire libre do centro cando o tempo o permita.

A sala polivalente e os espazos de relación exteriores, que están completamente volcados cara o río, gozan das vistas e da orientación sur sureste, mentres que as actividades que requiren máis privacidade como o comedor, a consulta médica e a sala de rehabilitación, desprázanse á parte posterior e ilumínanse e ventilan a través dun patio axardinado. Na zona central, articulando todas as actividades do centro, sitúanse os servizos comúns, gardarroupa, aseos, cociña e almacéns.

Todas as salas de actividades ábrense e esténdense ao exterior grazas a un cerramento case completamente de vidro, protexido polo voo da cuberta e unhas contrafiestras móbiles de listóns de madeira de iroko que permiten regular a radiación solar, a iluminación natural e a exposición pública da sala polivalente.

A configuración interior e formal do edificio, a súa relación co lugar e a implantación na parcela, o emprego de materiais construtivos naturais (granito, madeira e aceiro) que reflicten o paso do tempo sen perder a súa beleza, a cuberta axadinada, os sistemas pasivos de climatización, todo responde á intención de integrar o construído na paisaxe, ser funcional e eficiente enerxeticamente e ofrecer espazos interiores e exteriores confortables para que os futuros usuarios do centro se apropien del con naturalidade.

INFORMACIÓN GRÁFICA

PREMIOS E RECOÑECEMENTOS

Premio Gran de Area 2017. COAG
Finalista Premios Lledó Arquitectura 2018
Finalista Premios de Arquitectura e Rehabilitación de Galicia 2018

Información e material gráfico extraído da web de Müller.Feijoo Arquitectos.

Casa Panchés

Ficha técnica

Autores:

Arrokabe Arquitectos

Óscar Andrés Quintela e Iván Andrés Quintela

Arquitecto técnico:

Marina Vigo Formoso

Colaboradores:

Estruturas: Mecanismo

Instalacións: Inous

Cálculo estructura de madeira:

Escuadría

Promotor:

Adrián Díaz Bóveda e Elisa Pose Méndez

Construtora:

Maximino Fernández Santiago

Situación:

Horta das Ameixeiras, Carnota.

Ano:

2023

Superficie:

107,25 m2

Fotografía:

Denís Estévez Fernández

Descrición

Memoria:

O proxecto resolve unha pequena vivenda respondendo a tres premisas claras:

A parcela, na falda do monte Pindo, conta cunha forte pendente que descende na dirección este-oeste, minimamente domesticada por muretes que xeran pequenos bancais.
O territorio no que se asenta, no límite do núcleo construído, caracterízase pola presenza de afloramentos graníticos e construcións tradicionais executadas con fábricas da mesma pedra. O subsolo do solar conta con este tipo de roca a escasa distancia da superficie.
O asentamento conta con vistas panorámicas ao mar desde o sur ata o noroeste. Nesta orientación, acompañando á posta do sol en verán, amósase Finisterrae, o punto máis occidental do noso continente.

Atendendo ao seu carácter panorámico, a planta resólvese como un pentágono regular que se contempla ao este, entregándose de maneira ortogonal. As dúas fachadas que se abren ao mar (suroeste e noroeste) resérvanse para o porche-balcón e para o comedor-estar; aquí un gran oco enmarca as vistas ao cabo de Fisterra. Ao este, en planta baixa, resólvese un dormitorio, o aseo e a cociña. O centro da planta ocúpao a escaleira que se presenta como un gran piar vaciado, que dá acceso á habitación principal e apoio á estrutura de cuberta. O dormitorio de planta alta mira ao Pindo e volca sobre o porche e o estar-comedor.

Proxéctase unha losa de formigón armado que toca o terreo na súa fachada este e elévase asomándose á ladeira por riba da vexetación e presentándose como unha terraza-miradoiro ao oeste. Dita plataforma descarga sobre piares que reducen ao mínimo a súa sección no contacto co terreo, posándose sen alterar practicamente a súa topografía e sorteando os muretes existentes. Sobre ela, sitúase a vivenda resolta en madeira.

Na fachada ao camiño de acceso á vivenda, preséntase como unha humilde construción resolta a dúas augas que remite a unha tipoloxía concreta que conta con varios exemplos na zona: pequenas vivendas de xeometría sinxela que se engalanan ao presentarse á vía de acceso con recursos sinxelos como petos que ocultan o material de cuberta, simetrías de clara vocación compositiva e remates ornamentais. A vivenda propón unha chiscadela a estas edificacións; proxéctase con un canlón oculto que xera un pequeno peto e presenta unha prominencia no eixe da fachada este que resolve un filtro para o dormitorio do baixocuberta e a xanela do aseo de planta baixa. Tal como esixe a solución para unha situación tan exposta, a cuberta, a catro augas, conta con pendentes pronunciadas dando lugar, así, a un xeneroso volume interior que enriquece a espacialidade da vivenda. O xogo de visuais en diagonal que se habilitan, tanto en planta como en sección, e a disposición dos ocos que as conectan co exterior aumentan a sensación de amplitude.

INFORMACIÓN GRÁFICA

PREMIOS E RECOÑECEMENTOS

Premio Egurtek de Edificación 2024
Premio de Arquitectura, Obra Nova, de Hispalyt 2024
Premio Arquitectura en Madeira CESUGA 2024

Información e material gráfico extraído da web de Arrokabe Arquitectos.

REBUILD REHABILITA 2024

Data: do 22 ao 24 de outubro de 2024

Modalidade: Presencial. FIBES, Sevilla

Descrición: Rebuild Rehabilita é unha plataforma única de innovación para dinamizar o sector da construción, a rehabilitación, a reforma e a eficiencia enerxética de vivendas e edficios. Un lugar no que o profesional do sector dispón dunha contorna especializada onde atopar os últimos materiais, solucións e servizos.

REBUILD REHABILITA é a plataforma para que os fabricantes e distribuidores identifiquen:

Os novos construtores, promotores, empresas de reformas e rehabilitación, arquitectos, aparelladores e instaladores.
Os proxectos e parques de vivenda para reformar o que va a poñerse en marcha proximamente.
Presenten as súas novidades, produtos e innovacións.
Comuniquen e se asocien como un partner no marco da construción e da rehabilitación.

Máis información: www.rebuildrehabilita.com

Taller para a elaboración do Informe de Avaliación de Edificios (IEE)

Data: do 20 de xuño ao 9 de xullo de 2024

Modalidade: Online (a través da plataforma de formación en liña do COAG (moodle.coag.es)

Organiza: Colexio Oficial de Arquitectos de Galicia (COAG)

Obxectivos: Elaborar, a través dun taller práctico, o Informe de Avaliación de Edificios dun edificio real, neste caso, do edificio Apolo, de Santiago de Compostela.

Os principais fins que articulan a metodoloxía plantexada son:

Que os alumnos coñezan e poidan participar no proceso completo, desde a fase de toma de datos previa ata o documento finalizado, pasando pola visita de inspección, análise dos datos recollidos e propostas finais.
Propoñer unha metodoloxía de traballo para a elaboración do IEE.
Analizar, debater e concluír cales son as medidas para subsanar as deficiencias de conservación así como as medidas de adecuación viables de accesibilidade.
Redactar o IEE empregando a ferramenta do Instituto Galego de Vivenda e Solo.

Máis información e inscricións: https://www.coag.es/formacion/info.asp?id_curso=689

Feira GALIFOREST Abanca 2024

Data: do 27 ao 29 de xuño de 2024

Modalidade: Presencial. Centro de Formación e Experimentación Agroforestal de Sergude (Boqueixón)

Organiza: Abanca, co apoio da Xunta de Galicia

Descrición: Consolidada como a maior feira forestal de España, GALIFOREST celebra a súa sétima edición cuxos obxectivos principais céntranse en continuar coa progresión experimentada nos últimos anos e en avanzar nunha crecente internacionalización.

Durante tres días será o punto de encontro para empresas e profesionais de todos os elos da cadea monte-industria.

Faladoiros sobre Madeira con Arrokabe Arquitectos

Data: Xoves, 13 de xuño de 2024

Modalidade: Presencial. Casa do Taberneiro (Rúa de San Pedro, 15, Santiago de Compostela)

Organiza: Cluster da Madeira e o Deseño de Galicia coa colaboración do Instituto Galego de Promoción Económica

Colaboración: Arrokabe Arquitectos

Descrición: A finalidade deste faladoiro é compartir experiencias e reflexionar sobre os retos aos que se enfronta a profesión ante o crecente interese pola construción en madeira.

Emulando ás antigas tertulias que se celebraban en Compostela e que reunían aos grandes intelectuais da época, estes faladoiros buscan fomentar un espazo de diálogo e aprendizaxe mutuo, onde compartir diferentes perspectivas e opinións dos profesionais do sector.

Con esta filosofía, Óscar Andrés e Iván Andrés, Arrokabe Arquitectos, compartirán as solucións empregadas e os retos que superaron en diferentes intervencións onde a madeira ten un protagonismo destacado.

Trala intervención, abrirase un diálogo entre todos os asistentes no que poder compartir, dunha maneira coloquial e cercana, cuestións de interese na construción en madeira como a necesidade de formación, as novas tendencias en madeira, retos aos que se enfronta a arquitectura ou a descarbonización dos edificios, entre outros. Non existe máis pretensión que compartir un momento de distensión entre profesionais coas mesmas inquedanzas.

Inscricións: https://docs.google.com/forms/d/e/1FAIpQLSc2fpMMKVV3UinI2Sj67U0O4RWz96BuLudbuFurTJtVfZXv_g/viewform

III Congreso Ibero-Latinoamericano da madeira en construción

Data: do 10 ao 14 de xuño de 2024

Modalidade: Presencial, Universidade Politécnica de Madrid

Organiza: Grupo de Investigación Construción con Madeira, da Universidade Politécnica de Madrid

Descrición: Esta edición preséntase como unha edición transoceánica e transcontinental, que se ofrece a América e a Europa como unha ponte aberta a unhas posibilidades enormes de cooperación científica, tecnolóxica e comercial.

Nun momento no que a madeira ábrese paso decidido como material eficiente e sostible, o reto consiste en desenvolver tecnoloxía, enxeñería, produtos, ferramentas, deseño e arquitectura cada vez máis eficientes e respectuosos.

Nesta edición, técnicos do CIS Madeira forman parte do Comité Científico.

Máis información e inscricións: www2.montes.upm.es/CIMAD2024/

Segunda convocatoria para participar en visitas de aprendizaxe sobre arquitectura e contorna construída, no marco de Living Spaces

Living Spaces-Cities and regions shaping the buitl environment for everyone, financiado polo programa Creative Europe da Unión Europea e implementado por Eurocities e o Consello de Arquitectos de Europa, lanza a segunda convocatoria desta serie de visitas de aprendizaxe entre colegas da arquitectura e o urbanismo.

A segunda convocatoria está aberta ata o 13 de maio de 2024 e cubrirá as seguintes visitas: Oulu (Finlandia); Vilna (Lituania); Malmo (Suecia); e Gdansk (Polonia).

Con estas visitas, destinadas a coñecer as boas prácticas identificadas en espazos habitables, preténdese intercambiar coñecementos, compartir experiencias e aprender doutros profesionais e expertos sobre como planificar e implementar políticas e proxectos arquitectónicos de alta calidade.

Os destinatarios desta iniciativa é o persoal da Administración dunha cidade ou rexión e profesionais da Arquitectura e da planificación urbana.

Máis información e inscricións: https://culture.ec.europa.eu/calls/second-call-for-participants-for-living-spaces-peer-learning-visits-on-architecture-and-the-built-environment

IV Curso de Formación de Instaladores de Estruturas de Madeira Contralaminada

Data: do 27 ao 31 de maio de 2024

Modalidade: Presencial. Fundación Laboral da Construción, Lugo

Organiza: Cluster da Madeira e o Deseño de Galicia, Fundación Laboral da Construción coa axuda da Consellería de Emprego, Comercio e Emigración, da Xunta de Galicia

Dirixido a: Traballadores en activo do sector da construción con experiencia previa como operarios de obra, preferentemente en montaxe doutros sistemas estruturais de madeira

Obxectivos: Formar na xestión e montaxe de obras de CLT de maneira que os alumnos sexan capaces de interpretar a documentación técnica do proxecto, planificar a súa execución dispoñendo dos materiais, ferramentas e medios auxiliares necesarios, así como as medidas de protección de saúde necesarias para realizar a súa montaxe, coñecendo os detalles construtivos necesarios para acometelos con éxito en obra.

Data límite de inscrición: 22 de maio ou ata completar prazas (12 en total)

CONSULTAR O PROGRAMA COMPLETO

INSCRICIÓNS

Sistema EcoTimberCell

EcoTimberCell é un sistema construtivo formado por tres produtos: ETC, ETC Frame e ETC Box. O elemento máis sinxelo é un elemento estrutural lineal (viga/vigueta) alixeirado, en forma de tubo rectangular, formado por dúas pezas de madeira maciza (posibilidade de distinas especies) e taboleiro de fibras de alta densidade (hardboard) de Betanzos HB.

Con distintas configuracións da célula ETC e taboleiros, fórmanse os outros dous produtos: ETC Frame para muros lixeiros de madeira e ETC Box para forxados de altas prestacións. Trátase dun sistema de construción alixeirado e libre de formaldehido engadido porque o taboleiro de fibras non contén adhesivos sintéticos xa que o aglomerante é a propia lignina da madeira.

Trátase dun sistema eficaz que optimiza ao máximo o volume de madeira necesario, chegando ao 80% de aforro respecto a unha viga maciza para prestacións estruturais equivalentes.

A súa prefabricación garante a súa precisión e rápida montaxe en obra, con residuo mínimo. A súa estrutura oca facilita a montaxe.

Máis información

Máis información sobre EcoTimberCell

Máis información Betanzos HB

Subscribirse a