Datas: do 24 ao 26 de marzo de 2026
Lugar: IFEMA Madrid
Descrición: Feira líder de innovación para a edificación, sustentabilidade, dixitalización e industrialización, xunto ao Congreso de Arquitectura Avanzada e Construción 4.0.
Trátase do maior foro de innovación para transformar a edificación e impulsar a dixitalización e descarbonización do sector.
Data: Mércores, 3 de decembro de 2025
Hora: 09:30 horas
Lugar: Auditorio 2, edificio CINC, da Cidade da Cultura (Santiago de Compostela)
Organiza: Cluster da Madeira e o Deseño de Galicia coa axuda do Instituto Galego de Promoción Económica
Descrición: Encontro dirixido a profesionais da arquitectura, deseño interior, carpinteiros, sector Contract e empresas da industria da madeira coa finalidade de abordar a importancia do deseño na construción e promover o achegamento entre o mundo da arquitectura, o deseño e os profesionais co tecido empresarial da madeira, coa mirada posta no mercado.
Data: mércores, 19 de novembro
Organiza: Cluster da Madeira e o Deseño de Galicia, coa axuda do Instituto Galego de Promoción Económica
Lugar: Casa do Taberneiro (Rúa San Pedro, 15, Santiago de Compostela)
Hora: 18:00 horas
Descrición: Juan Prieto e Faustino Patiño, do estudo de arquitectura Prieto Patiño, compartirán as solucións empregadas en diferentes intervencións realizadas en madeira. O estudo destaca por empregar a madeira como un material versátil que une técnica e emoción, adaptándose a cada contexto e reivindicando o seu valor contemporáneo na arquitectura galega.
Trala intervención, abrirase un diálogo entre todos os asistentes no que poder compartir, dunha maneira coloquial e cercana, cuestións de interese na construción e rehabilitación con madeira. Non existe máis pretensión que compartir un momento de distensión entre profesionais coas mesmas inquedanzas.
Datas: 10, 11, 12, 13, 14, 17, 18, 19, 20 e 21 de Novembro de 2025
Organizan: Cluster da Madeira e o Deseño de Galicia e a Axencia Galega da Industria Forestal
Modalidade: Formación Online en Directo
Descrición: O obxectivo desta formación é introducir a profesionais da construción nas especifidades do deseño e construción con entramado lixeiro de madeira. Trátase dunha formación específica sobre os diferentes tipos ou sistemas construtivos baseados en entramado lixeiro de madeira, as súas diversas posibilidades de composición, a estrutura das súas capas e os diferentes motivos da súa utilización, as etapas de deseño e fabricación. Ademais, a formación inclúe outros aspectos a ter en conta como a loxística, prefabricación, transporte e montaxe, englobando os grados de industrialización da construción.
Data: 27 de outubro de 2025
Organiza: Mass Madera
Lugar: Cidade da Cultura de Santiago de Compostela
Hora: 16:00-20:30 horas
Descrición: Mass Madera presentará o informe actualizado sobre o estado da madeira maciza industrializada en España. Ademais, será un espazo de reencontros entre profesionais para compartir experiencias e continuar fortalecendo esta rede.
Juan Orozo Corredoira e Iago Seara Morales
Guillermo Fernández Prieto
Gabriel Doval Caramés (arquitecto)
Roberto Saavedra Vilariño (arquitecto)
Tania Fraga Eiroa (arquitecta)
Obradoiros Enxeñeiros SL
Refuerza Consultoría SAU
Tempos Arqueológicos
Maderas Rubén
Arzobispado de Santiago de Compostela
Obras Gallaecia SL
Santiago de Compostela
2023
Denís Estévez Fernández
Existen varias hipóteses sobre os motivos da construción do Pavillón. Construíuse durante o funcionamento do Seminario Maior no Século XIX. Debido ás relacións e compromisos con institucións de Santiago de Compostela, presumiblemente co Programa de Exposicións Rexionais de 1858 e/ou 1909, posto que hai noticias da colaboración dos espazos de San Martín Pinario. O programa da exposición regulaba os produtos elexibles para o concurso e sábese que o claustro procesional do monasterio considerouse apropiado para parte da sección cultural.
Neste contexto, o Pavillón estaba a disposición de ser empregado para as Exposicións como espazo complementario para os usos do Seminario en etapas posteriores. Os valores históricos continuaron enmarcados naquel momento coa construción do Pavillón, co desexo de ofrecer o inmoble, a súa singularidade e o seu percorrido histórico, así como as súas características de uso, artísticas e arquitectónicas, participando activamente do feito social das Exposicións Rexionais, coincidentes co elevado número de exposicións.
O proxecto enfocou a rehabilitación-restauración do pavillón historicista para albergar de novo os usos culturais, fundacionais do mesmo, desde os tres valores fundamentais da New European Bauhaus (sustentabilidade, estética e inclusión) e asumindo os retos do Pacto Verde Europeo.
A proposta de actuación no Pavillón recupera a arquitectura propia desta tipoloxía construtiva, liberando os espazos ocupados, poñendo en valor a linguaxe arquitectónica que combinaba a versatilidade dun espazo diáfano co emprego dun estilo enlazado coa tendencia europea da época.
Na intervención, recupérase e amplíase a cuberta a dúas augas sobre un muro de mampostería e piares de fundición de estilo modernista. A estrutura componse de repetición de cerchas formadas por pares, tirante e pendolón, fabricadas en viga laminada de piñeiro radiata nacional e reforzadas con ferraxería metálica.
Forxado realizado en paneis de CLT de 150 mm de piñeiro radiata nacional, atirantado á estrutura de cuberta e fixado mediante un anelo perimetral de perfil UPN metálico.
A envolvente exterior executouse mediante unha galería composta por montantes verticais e horizontais, fabricados en viga laminada de piñeiro radiata.
Premio Colexio Oficial de Arquitectos de Galicia 2025 na categoría Obras de Rehabilitación Patrimonial e Restauración
Valoración do xurado dos Premios COAG:
"O xurado tivo en conta a actitude exemplificativa dun proxecto que separa meridianamente a restauración dunha envolvente de alto valor patrimonial dun novo uso interior, de maneira que é respectuosa tanto coas formas históricas como coa nova espacialidade redescuberta. A medida e retranqueo adecuado da nova sección habitada interior, respecta e crea a suficiente profundidade de campo para resaltar a propia estrutura historicista á vez que xera un entresollado que tamén valoriza a estrutura e ritmo tradicional da estrutura de cuberta. O traballo é un exemplo de didáctica sobre o tratamento do patrimonio, sen estridencias nin desequilibrios".
Datas: 6, 8, 13, 15, 27 e 29 de outubro de 2025
Organiza: Colexio Oficial de Arquitectos de Galicia, COAG, e Axencia Galega da Industria Forestal, XERA
Descrición: O curso busca que os alumnos aprendan a desenvolver proxectos de arquitectura con entramado lixeiro de madeira e CLT. Coñecerán a lóxica estrutural de ambos sistemas construtivos para poder desenvolver proxectos de edificacións optimizadas onde a arquitectura e estructura vaian da man. Descubrirá as técnicas, detalles e materiais axeitados para proxectar edificios eficientes, duradeiros e sostibles.
O curso completarase con dúas visitas de carácter voluntario, que servirán para comprobar, de primeira man, as posibilidades destes sistemas construtivos.
Datas: 28 e 30 de outubro de 2025
Modalidade: Presencial (Cidade da Cultura)
Organiza: Fundación Arume
Descrición: Contará cun evento principal na Cidade da Cultura, que se completará con dúas xornadas técnicas, a modo de spin off, co obxectivo de profundizar a nivel práctico en dúas temáticas centrais de Piñeiros 25, a sanidade forestal das masas de coníferas e a construción en madeira.
Unha das xornadas técnicas, a de ámbito de monte, dirixida a un perfil de enxeñeiros forestais, investigadores e docencia universitaria, celebrarase no Centro de Investigación Forestal de Lourizán. A segunda, sobre construción en madeira, terá lugar en Casa RIA e orientarase a un perfil ligado á arquitectura e o deseño.
Data: Martes, 7 de outubro de 2026
Hora: 19:00 horas
Organiza: Colexio Oficial de Arquitectos de Galicia co patrocinio da Axencia Galega da Industria Forestal
Descrición: Ofrecerase unha reflexión sobre o emprego dos materiais tradicionais e a innovación industrializada que está viviendo Galicia. Coa experiencia que supón o uso tradicional da madeira e a pedra, a arquitectura galega recente está a explorar novas formas de uso dos materiais naturais de proximidade.
Data: Do 24 ao 26 de setembro de 2025
Modalidade: Presencial (ETS de Arquitectura, Universidade de Granada)
Descrición: O evento pretende abordar aspectos científicos, técnicos e construtivos relacionados coa madeira, os seus derivados e outros materiais naturais, así como dar a coñecer o traballo desenvolvido polos seus membros e colaboradores.
Contará coa participación de destacados investigadores, arquitectos, enxeñeiros, construtores, fabricantes e outros profesionais que compartirán a súa visión e experiencia sobre o uso destes materiais no sector da construción.
