Mirador de A Cova

Descrición

Memoria

A nova arquitectura cose e da coherencia espacial as diferentes partes edificadas da bodega e remite coa súa implantación e materialización os valores de respecto ao medio que caracterizan a súa actividade e buscan consolidarse como parte da súa identidade. Responde a criterios diversos, como son a interrelación coa contorna inmediata e a paisaxe circundante; a búsqueda dunha expresividade arquitectónica que a faga recoñecible como imaxe de marca; a economía de medios e "xestos", de tal forma que estes respondan a unha claridade estrutural e funcional que os xustifique, e a búsqueda de matices mediante o tratamento intenso e coidado de cada parte e a súa relación co conxunto.
A construción sitúase no primeiro bancal e ánclase ao muro que salva o desnivel entre este e a pista de acceso. Esta avanza conformando dous niveis de estancias principais; na planta alta a cota do rasante da pista e en planta baixa a altura do primeiro bancal. Unha pequena plataforma sobre o volume do almacén dá lugar a un mirador intermedio a altura do descansillo da escaleira preexistente e conecta mediante unha nova escaleira co nivel inferior dando lugar, xunto a escaleira preexistente no extremo contrario, a un recorrido circular que permitirá as diferentes opcións de uso.
As barandas incorporan unha malla que servirá de tutor para plantas trepadoras contribuíndo á mimetización da edificación e evitando o elevado quecemento derivado das altas temperaturas características da zona en verán.

Estrutura

Sobre o arranque de piares de aceiro, a estrutura resólvese con madeira acetilada de piñeiro, caracterizada polos seus altos niveis de durabilidade e estabilidade. Esta decisión permitu non utilizar acabados con biocidas que poderan acabar afectando a plantación próxima. O detalle construtivo coidouse de maneira consciente para alongar, aínda máis, a vida útil da construción, asegurándose a súa permanencia no tempo e sumándoa, así, ao patrimonio que herdarán as seguintes xeracións.
A madeira tomará un ton grisáceo, derivado da presenza de mofos nas microfisuras da superficie, que funcionarán como testemuña do paso do tempo.
A pequena edificaciíon, que presenta unha barra de servizo para a recepción e atención dos visitantes e un espazo cuberto arredor do devandito mostrador, resólvese cun entramado lixeiro e revestimento de entaboado colocado en diagonal de madeira acetilada carbonizada. Para resolver os remates e proteccións horizontais utilizouse madeira acetilada sen carbonizar.

Sistema estrutural

Estrutura de mirador realizada con madeira acetilada de pino. Edificación auxiliar realizada con entramados de pino e taboleiro OSB e vigas de eucalipto laminado.