Visita guiada ao Centro de Día de Maiores de Leiro, de Müller Feijoo Arquitectos

Data: 23 de setembro de 2024

Hora: 11:00 horas

Modalidade: Presencial. Centro de Día de Maiores de Leiro (Estrada OSEBE, 3, Leiro)

Organiza: Cluster da Madeira e o Deseño de Galicia

Descrición: O Cluster da Madeira e o Deseño de Galicia, con motivo do Día Mundial da Construción Sostible, organiza un acto simbólico de homenaxe ao Centro de Día de Maiores de Leiro, de Müller Feijoo, polas súas características sostibles. O CMD recoñece o esforzo dos arquitectos por integrar o construído na paisaxe, ser funcional e eficiente enerxeticamente e ofrecer espazos exteriores e interiores confortables, graduando a privacidade e a luz natural para que os usuarios do edificio, se apropien del con naturalidade. O emprego de materiais naturais propios da contorna, o uso da madeira en exterior e interior para conseguir espazos confortables ou unha cuberta axardinada para paliar os efectos do calor en verán, entre outros aspectos, converten a este edificio nun claro exemplo de construción sostible.

Inscrición á visita guiada polo edificio AQUÍ