Primeira convocatoria para participar en visitas de aprendizaxe sobre arquitectura e contorna construída, no marco de Living Spaces

Living Spaces - Cities and regions shaping the built environment for everyone, financiado polo programa Creative Europe da Unión Europea e implementado por Eurocities e o Consello de Arquitectos de Europa, organiza unha serie de visitas de aprendizaxe entre colegas da arquitectura e o urbanismo.

Un total de 12 cidades poderán ser visitadas, entre marzo e outubro de 2024, para coñecer boas prácticas identificadas en espazos habitables. As cidades a visitar: Berlín (Alemaña), Burdeos (Francia), Bruselas (Bélxica), Cáceres (España), Gdansk (Polonia), París (Francia), Malmo (Suecia), Oulu (Finlandia), Praga (República Checa), Tolosa (Francia), Viena (Austria) e Vilnius (Lituania).

Destinatarios: persoal da Administración dunha cidade ou rexión e profesionais da Arquitectura e da planificación urbana.

Obxectivos: intercambiar coñecementos, compartir experiencias e aprender doutros profesionais e expertos sobre como planificar e implementar políticas e proxectos arquitectónicos de alta calidade.

Máis información e inscricións: 

https://culture.ec.europa.eu/calls/first-call-for-participants-for-living-spaces-peer-learning-visits-on-architecture-and-the-built-environment

((Existen dúas roldas de inscricións: ata o vindeiro 18 de xaneiro, para poder acceder ás visitas a Berlín (Alemaña), Burdeos (Francia), Bruselas (Bélxica), Cáceres (España), París (Francia), Praga (República Checa), Tolosa (Francia) e Viena (Austria). A segunda rolda estará aberta a partir de abril pero xa se pode facer a preinscrición. Os destinos:  Oulu (Finlandia), Vilnius (Lituania),  Gdansk (Polonia) e Malmo (Suecia).